San Lorentzoko Larraña institutuko pilotalekuko berritze lanak bukatuta, herritarrek erabili ahalko dute urtarriletik aurrera. "Lanak bukatu ditugu, baina herritarrei zabaldu aurretik erabiltzeagatik ordaindu beharreko mantenu kuotak finkatu behar ditugu: besteak beste, argia eta aldagelak eta ur beroa erabiltzeko kuotak. Oraindik ez ditugu zehaztu baina Zubikoa kiroldegian ordaintzen direnen antzekoak izango dira", esan digu Larraña Institutuko zuzendari Kepa Altubek. Dena den, zehaztu dute argia gura dutenek ordu baterako edo birako balio duten fitxak erosi beharko dituztela.
Aldagela berriak
Berrikuntza lan inportanteenak teilatuan egin dituzte: burdinezko egitura mantenduz sabai berria jarri dute. Bestalde, pilotalekuko ormak eta zorua berritu dituzte. Aldagela zaharrean biltegia jarri dute, eta harmailaren azpian bi aldagela eta komun berriak jarri dituzte.