Bi entitateek positibotzat jo dute sinatutako hitzarmena. "Lanbide Heziketa zikloak aukeratzen dutenek lan mundurako sarrera bermez egin ahal izango dute. Esperientzia lortu eta euren heziketa akademikoa osatu ahal izango dute", esan du Kepa Altubek.
Ikasturte bakoitzaren hasieran lanerako aukerak dituzten ikasleen zerrenda emango diote Alecop-i, azken honek ikasle bakoitzaren lehentasunak zehaztu ditzan. Iñaki Kerejetak esan die ikasleei Alecop ikasleen kooperatiba bat dela: "Gure estatutuek ongi esaten dute, ikasleok zuen ikasketak autofinantzatzeko aukera duzuela gurekin. Gainera, lan esperientzia izateko aukera emango dizuegu, eta hori guztiori, ingurune kooperatibo baten barruan".
Informazio zehatzagoa emateko eta zalantzak argitzeko Alecop-eko kideak ikasleekin bilduko dira taldeka.
Akordioaren arabera Larraña Institutuan diharduten ikasleek lau orduko lan jarduna egin ahalko dute enpresa ezberdinetan Alecop-en bitartez. Ekitaldian parte hartu zuten Alecop-eko Erretore Kontseiluko presidente Iñaki Kerejetak eta Rodrigo Mercado Zuazola-Larraña Institutuko zuzendari Kepa Altubek. Era berean, Larrañako ikasleak egon ziren aurkezpenean elkarlanaren berri jasotzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak