Udalak langabeak kontratatzeko deialdi bi egin ditu: alde batetik, bost langile kontratatuko ditu INEMen laguntzarekin; eta beste alde batetik, 14 Eusko Jaurlaritzaren laguntzarekin.
Askotariko arloak
INEMen eta Eusko Jaurlaritzaren dirulaguntzarekin esparru askotariko langileak kontratatuko dituzte; besteak beste, herriaren mantenurako; turismo arlorako; gizarte zerbitzuen arlorako; kultura ondarea eta agiriak digitalizatzeko; eta ingurumenaren babesaren arlorako.
Kontratuak hiru, lau edo sei hilabetekoak izango dira, eta lanjardun osokoak. Eskaera egin dezakete langabean edo diru-sarrera bermatzeko errenta jasotzen dutenak.