Herriko enpresetako langileendako autobusak martxan daude dagoeneko. Astelehenean hasi ziren zerbitzua ematen Lanbus egitasmoko autobusak. Fagor Industrialek, Ulma Construccionek, Ulma Packagingek eta Ulma Pipingek jarri dute zerbitzua euren langileen eskura.
Lanbusek ibilbide bakarra egingo du astelehenetik egubakoitzera; baina erabiltzaile askoko orduetan (goiza eta eguerdia) zerbitzu zuzenak egingo ditu enpresetaraino. Lanbusen helburua erabiltzaileak 15 minutu baino gutxiagotan etxera edo lantegira iristea da.
Geldiuneak
Lanbusen geldiuneak izango dira: Olakua, Euskadi etorbidea,Ulma Packaging, Ulma Construccion, Fagor Industrial, Ulma Piping eta Ulma Construccion Biltegia.
Enpresetako autobus zerbitzua doakoa izango da martxoan zehar.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak