LANA kooperatibak lantegi berria zabaldu du Txekian

Aurreikuspenen arabera, zazpi milioi euro fakturatuko du guztira enpresak. 30 lanpostu sortuko ditu kooperatibak Txekian zabaldu berri duen lantegiak.


LANA Kooperatibak 16 milioi euroko inbertsioa egin du Txekiako lantegi berrian. Hain zuzen ere, Txekiar Errepublika erdian dago kokatuta lantegia, Czech herrian. Merkatu estrategikotik gertu dago planta berria. Hala, kalitatezko lehengaiak baldintza onenetan lortzeko aukera izango duela iragarri dute.
Gainera, lantegi berrian, enkofraturarako hiru geruza dituen taularen produkzioa bikoiztea eta Europan daukan lidertza finkatu eta bermatzea dutela helburu adierazi dute. 2010erako, lanpostuak ere bikoizteko asmoa dute.

Lana kooperatiba

MCCko enpresa aitzindarietako bat da LANA Kooperatiba. 1961ean sortu zen eta Eraikuntzaren sektorera zuzendutako zuraren bigarren transformazioan espezializatuta dago. Alor horretan, LANA erreferentea da Europan bere produktuen eta irtenbideen berrikuntzagatik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.