Bigarren zozketako oinarriak Gipuzkoako Aldizkaria Ofizialean argitaratu ziren urriaren 15ean. Hortaz, lehen zozketako baldintza berberak eskatuko zaizkie interesatuei. Alde batetik, 2007. urteko diru-sarrerak hartuko dituzte kontuan. Hain justu ere, 27.000 eta 54.165 euro arteko sarrerak izan beharko dute. Gainera, etxebizitzaren titular-kide guztien diru-sarrerak hartuko dituzte kontuan. Bestalde, Oñatin erroldatuta egotea ez da derrigorrean interesatuek bete beharreko baldintza.
Zozketa, lau kupotan
Zozketa egiterakoan 12 etxeak lau kupotan banatuko dituzte. Alde batetik, ezgaitasunen bat dutenen artean etxe bat zozketatuko dute; beste alde batetik, hiru seme-alaba edo gehiago dituztenen artean hiru etxe banatuko dituzte. Beste hiru etxe Etxebiden lau urtez edo gehiagoz izena emanda daudenen artean. Azkenik, gainerako etxe guztiak kupo orokorren zozketatuko dituzte. Dena den, kupo bakoitzean etxea lortzen ez dutenek, bigarren aukera izango dute kupo orokorrean.