Korrika txikia
Herriko ikastetxetako neska-mutikoek Korrika Txikia egingo dute barikuan, 10:30ean. Plazan elkartuko dira ume guztiak eta ondorengo ibilaldia egingo dute: Kale Barriatik Etxaluze aldera egingo dute, eta Euskadi etorbidetik Santa Marina plazara helduko dira. Bakardade kaletik plazara jaitsiko dira.
Zapatuan berriz, Korrika Kultural eguna ospatuko dute. 18:30ean txorimaloak irtengo dira kalerik kale. Ondoren, 19:30ean dantzariak ibiliko dira herrian zehar. Afaldu ondoren musika izango da protagonista: 22:30ean bertso saioa egingo dute Ona taberna aurreko plazan, eta ondoren herriko musika taldeek kontzertua egingo dute. Guztiak jai giroan ibiliko dira Korrikari ongietorria egin arte: Udanan bilduko dira 03:30ean, eta herri gunean 04:15ean.
Kilometroen salmenta
Korrika 16ak Oñatin egingo dituen 17 kilometroen banaketa asteon egingo dute zozketa bidez. Oraingoz 15 kilometro saldu dituzte Arrasateko AEKn.
