Lehen pausua lanok esleitu aurretik enpresa batek aholkularitza akustiko-teknikoa egin beharko du. Hori horrela, Kirol Batzordeak akustika neurketatan aditua den Laecor S.L. Ingenieria Acustica enpresa kontratatuko du lanok egiteko, 1.300 euroren truke.
Laecor enpresak egingo duen aholkularitza txostenean hainbat puntu zehaztuko dituzte, besteak beste, lanak egiteko Kirol Zerbitzuan jaso dituzten proposamenen gaineko balorazioa; Udalak eta lanak egingo dituen enpresak sinatu behar duten emaitzen kontratuaren aholkularitza teknikoa; eta, lanak bukatu ondoren, emaitzen neurketa akustikoak eta horien balorazioa egitea.
Lanak uztailetik irailera arte
Aholkularitza txostenaren ondoren, lanak egingo dituen enpresa kontratatuko dute. Udako hilabetetan kirol jarduera asko murrizten denez eta ohiko erabiltzaileei ahalik eta kalte txikiena egiteko intsonorizazio lanak uztailetik irailera arte egin asmo dituzte. Dena den, oraindik ez dute zehaztu lanak noiz hasiko dituzten.
Zubikoa kiroldegiko kantxa urdinean, besteak beste, eskola kiroleko partidu batzuk eta Aloña Mendiko taldeen norgehiagokak jokatzen dituzte.