Oñatiko ezker abertzaleak, herrian kirol konplexu integralaren eskaintza bermatzeko asmoz, udalak Urrutxun aurreikusten duen kirol gunearen proiektuaren alternatiba moduan aurkeztu du kirol gunea Berezao auzoan egiteko proiektu proposamena. Gainera, Ibarrako futbol zelaia kentzeari ere irtenbidea eman behar zaiola uste dute.
Berezaoko industria gunearen eta Zelai barren baserriaren arteko berdegunea proposatu dute kirol gunea egiteko toki bezala. Hala, Azkoagain eta proposatutako kirol konplexua elkarrengandik gertu geldituko lirateke, zonalde hartan bi futbol zelaiko zerbitzua eskainiz.
Eurek proposatzen dute, eskolarteko kirolak, herriko futbol txapelketak edota entrenamenduak Azkoagainen egitea, eta kirol gune berria, partidu ofizialetarako erabiltzea. Hala, herriko kirol eskaerari irtenbide integrala emango litzaiokeela uste dute. Horretarako ordea, kirol zerbitzu horiek erabiliko dituzten guztiekin egingo dute berba.
Udalak Urrutxun kirol gunea egitea aurreikusten duen tokian, kamioentzako aparkalekuak edota auto karabanentzat gune bat egokitzea, guneari eman diezaiokeen soluzio moduan