Hiru oinarri
Hasieratik, garbi utzi zuten, hiru alderdi politiko diren aldetik, bakoitzak bere independentziari eusten jarraituko dutela. Bada, hauteskundeetara elkarrekin joateko erabakia hiru printzipiotan oinarritu zuten: "Konpromiso politiko eta soziala dugu, pertsona guztien arteko eskubide-berdintasunaren alde lan egiteko eta justizia soziala bermatzeko; bestetik, apustu garbia egin nahi dugu politikaren alde, eta, azkenik, euskal gizarteak bere nortasuna eta bere etorkizunari buruz erabakiak hartzeko eskubidea duela uste dugu", azaldu zuen aurkezpen ekitaldia koordinatu zuen Manu Egañak.
Oñati Ezkerretik koalizioa ezkerreko tartea betetzeko eta ordezkatzeko helburuarekin jaio dela ere azaldu zuten eguenean.
Hala, maiatzeko udal hauteskundeetarako osatu duten programa politikoa "ilusioz beteriko programa politiko eta sozial bat" da.
Programako ardatzak
Koalizioa osatzerako orduan, Ezker Batua-Berdeak, Zutik eta Aralarrek planteatutako helburuak betetzeko osatu duten hauteskunde programaren ardatz nagusiak:
- Kohesio soziala eta gizarteratzea.
- Giza eskubideak.
- Bakerako eskubidea.
- Normalkuntza politikoa.
- Elkarrizketa demokratikoa.
- Erabakitzeko eskubidea.
- Hizkuntza normalkuntza.
- Enplegu egonkorra.
- Etxebizitza eta garapen iraunkorra
- Partadeitzan oinarritutako demokrazia eta bakerako kudeaketa.