Zozketa egiterakoan, onartutako eskatzaile guztiei dagozkien zenbakiak zaku batean sartuko dira, eta zenbakiak irten ahala, marradun plaza hautatzeko aukera izango dute.
Lehenengo zozketan plaza bakarra esleituko zaio eskatzaile bakoitzari; ondoren, eman gabeko plazarik geratzen bada, eskatzaileei, bigarren aukera emango zaie. Halaber, aurrekoan bi esleipen prozesuetan egin zen bezala, ordea, zozketan parte hartu ahal izateko aurrez, 1.800 euro ordaindu behar dira. Diru hori, zozketarako eskubide berma moduan onartuko da.
Lau mota
Hirugarren deialdian salgai jarriko diren 67 garajeak lau salmenta preziotan banatu dira: 17.150 euro, 17.750 euro, 18.350 euro eta 18.950 euro. Hala, prezioak, plaza bakoitzaren azaleraren eta kokapenaren arabera finkatu dira. Salgai dauden aparkalekuen plano, kokapen eta deskribapenak udal bulegoetan ikus daitezke.Hilero zozketa bat
Kalegoienako aparkalekuak saltzeko urriko osoko bilkurak onartutako deialdi orokorra Udalak egingo duen azkena da. Hirugarren zozketa bukatu ondoren saldu bariko aparkalekuak esleitzeko beste prozedura bat erabiliko da.Hala, aparkaleku plaza erosteko interesa dutenek edozein momentutan egin dezakete eskaera udal bulegoetan. Ondoren, baldintzak betetzen dituzten eskatzaileen eskaerekin, hilero, zozketak egingo ditu Udalak.