Jende ugari Arantzazun Ama Birjinaren egunean

Miren Arregi Amasorrain 2008ko ira. 9a, 17:21
Arantzazuko Ama Birjinaren eguna da gaur, oñatiar eta gipuzkoar fededunentzat egun handia. Goizeko zazpiretan irten dira erromesak Oñatiko plazatik Arantzazura, eta 08:00ean Zapatan egin dute bat gainerako erromesekin. Goiz partean, euriak hartu du protagonismoa Arantzazun, hainbat erromes ikusi ditugu bidean, mela mela eginda igotzen. Euria atertu eta eguzkia ateratzearekin batera, herritarrak ere ugaritu dira Arantzazun.

12etako meza nagusiaren aurretik, Oñatiko udaleko agintariak eta Diputazioko ordezkaritza iritsi da, tartean, Lurdes Idoiaga alkatea, Markel Olano Ahaldun Nagusia, Miren Azkarate Eusko jaurlaritzako bozeramailea eta Gipuzkoako Batzar Nagusietako presidente Rafaela Romero. Ondoren iritsi da Ibarretxe lehendakaria eta Txistulariek egin dioten harreraren ostean, ordezkaritza biek eta Lehendakariak, santutegirako bidea hartu dute. Tarte horretan, Etxeratek deitutako elkarretaratzea batetik, eta Oñatiko Gaztetxearen aldeko kideak zeuden bestetik, euren aldarrikapenak egiten.

Meza nagusian, Donostiako Gotzain Juan Maria Uriartek, egia, elkartasuna, krisia eta etika izan ditu mintzagai, beste batzuen artean.

Oñatiarrak ez ezik, Gipuzkoatik eta baita Bizkaitik ere etorritako jende mordoa zegoen gaur Arantzazun.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak