Zubikoa kiroldegia abuztuko astelehenetan itxita egongo dela kontuan hartuta, eskolak martitzenetik egubakoitzera emango dituzte eta goizez bakarrik.
Mini-tenis eta teniseko hiru talde daude aukeran: 10:00etan, 11:00etan eta 12:00etan. Gainerako lau kiroletan talde bakarra osatuko dute: badmintona, 11:00etatik 12:00etara; waterpoloa, 11:00etatik 11:45era; igeriketa 10:30etik 11:00etara; eta aquagima 11:00etatik 11:45era.
Bigarrenean ume gutxiago
Bestalde, udako kirol kanpainako bigarren txanda astelehenean hasiko dute. Golfean, waterpoloan, igeriketan, aquagimean, txikiendako batukan eta gazteendako body jamen eta arku tiroketan lehen txanda ibilitako 249 neska-mutiko berberak ibiliko dira. Gainerako kiroletan talde berriak sortu dituzte. Bigarren txandan haur gutxiago ibiliko da; hain justu ere, 424, lehen txandan baino 159 gutxiago. Bigarren txandan haurrendako patinajea (128 haur), tenisa (77), mini-tenisa (72), pilota (43) eta eskalada (39) izan dira arrakastatsuenak. Kirol batzuetan taldeak sortzeko gutxieneko haurrik egon ez denez, ordu ezberdinetan izena eman zuten neska-mutikoak talde berberean sartu dituzte. Bestalde, kirol eskaintza batzuk bertan behera geratu dira, besteak beste, badmintona. Udako kirol kanpainako bigarren txanda uztailaren 28an bukatuko dute.