Irisgarritasun planaren bigarren fasea, abian

Oñatiko Irisgarritasun Planaren bigarren fasean Portu, Bakardade Ama eta Moiua kaletako oztopo arkitektonikoak ezabatuko dira. Lan hauetarako Udalak 323.000 euroko aurrekontua onartu du. Halaber, lanak sei hilabeteko epean egin beharko dira. Hala, interesa duten enpresek, deialdia Gipuzkoako aldizkarian kaleratzen den egunetik hasita 13 eguneko epea izango dute eskaintzak aurkezteko. Lanak proposamen merkeena egiten duen enpresari esleituko zaizkio.

Espaloiak

Moiua kalearen hasieran, Bakardadeko Ama eta Portu kaletan egingo diren lanen artean aipagarriena espaloien zabaltze orokorra izango da, gurpildun aulkiekin doazenak aintzakotzat hartuko dira-eta. Halaber, Maibi denda inguruan Bakardadeko ama kaleak eta Errekaldetik datorren bideak bat egiten duten gunean, segurtasun baranda bat jarriko da. Gainera, autoek oinezkoen pasabidea oztopatu ez dezaten, hainbat aparkaleku mugatzeko  elementuak jarriko dira.
Halaber, hiru kaletako hainbat zebra bide eta ibilbidean dauden kale-argi batzuk lekuz aldatuko dira. Lope Agirre kalearen hasiera eta amaierako guneetan, plataforma moduko ibilbideak egokituko dira, hartarako hainbat zoladura erabiliko dira.


Lehen fasea

Udalak 2002an onartu zuen Oñatiko Irisgarritasun Plana. Lehenengo faseko lanak, Olapototik Exaluze artekoa, 2004 eta 2005 urteetan egin ziren.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.