EAJk ekitaldia egin zuen larunbatean Oñatin. Bertan izan ziren, Jose Ramon Beloki eta Josu Erkoreka, EAJren Gipuzkoako eta Bizkaiko hautagai buruak, hautagai zerrenda guztiarekin batera.
Goizeko 11etan elkartu ziren Oñatiko udaletxean, Lourdes Idoiaga alkatearekin: han bilera egin zuten. Ondoren, ETEOn, enpresa zientzietako fakultatean izan ziren bisitan eta momentu hori aprobetxatu zuten adierazpenak egiteko. Jose Ramon Belokik mezu positiboa helarazi gura izan zuen.
Udaletxe ezberdinetan aurkeztutako proiektuekin bat datozela esan zuen Belokik. Hala, euren babes guztia adierazi zuen proiektuok aurrera ateratzerako orduan. Oñatiko proiektuarekin bat datozela esan zuen, Ibarran eraiki behar den unibertsitate eta zentro teknologikoarekin, alegia.MCCren proiektua
Oñatiko proiektuaz gain, MCCk Arrasaterako aurkeztu duen proiektua ere azpimarratu zuen Belokik. Hala, bi proiektu hauek aurrera ateratzeko ahaleginean, 2008ko aurrekontuetan 12 miloi euroko partida aurreikusi dute.
Ikerkuntza zentroak bultzatzea
Azkenik, Belokik argi utzi zuen garapena eta ikerketa eskutik datozela. Horretarako ezinbestekoa ikusten du ikerkuntza zentroak bultzatzea; etorkizuna nonbaitetik badator ikerketa eta garapenetik etorriko dela esan zuen. Hala, azken urteetan eskatu duten arren, Oñatiko ekitaldia ikerketa eskuduntza aldarrikatzeko aprobetxatu zuten EAJko kideek.