Ikastolak 40. urteurreneko azken jaia egingo du barikuan

Urteurreneko azken jaia barikuan, azaroaren 16an, egingo dute herriko plazan. Gainera, argazki erakusketa eta Ikastolako hainbat ospakizunetako irudiak jasotzen dituen bideo emanaldia ikusteko aukera dago kultura etxean.

Hala, 16:45ean etxafuego jaurtiketa egingo dute. 17:00etan  herri kirolak izango dira haurrentzat Keima animazio taldearen eskutik Foruen Enparantzan. 19:00etan txorimaloak, trikitilariak eta bertsolariak izango dira giroa alaitzeko. Gainera, 18:00etatik aurrera  plazan txosna bat jarriko da sagardoa eta gaztaina erreak dastatzeko.

Argazki Erakusketa

Azaroaren 18ra bitartean, domekara arte,  argazki erakusketa eta Ikastolako hainbat ospakizunetako irudiak jasotzen dituen bideo emanaldia ikusteko aukera izango da  kultura etxeko erakusketa aretoan. Ordutegia hauxe: 18:30etik  20:30era.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.