Orain dela bi urte egindako batzarrean Europako zuzenbide erak landu zituzten eta aurten berriz Hegoamerika izango dute hizpide. 2005ean lortutako arrakasta ikusita Batzarrari jarraipena ematea erabaki du Oñatiko Soziologia Institutuko Nazioarteko Erakundeak.
Demokrazia, garapena eta liberazioa izango dira bereziki landuko diren gaiak.
120 pertsona inguru izango dira, Hegoamerikarrak asko, kongresuan parte hartuko dutenak. Besteak beste Brasil, Mexiko eta Boliviatik etorriko dira hizlariak.
Euskal Herriko Unibertsitateko Udako Ikastaroen eskaintzaren parte da Batzar hau. 6 hitzaldi eta 10 mintegi egingo dituzte bertan.
Egitasmoak bi alderdi landuko ditu; akademikoa bata eta kulturala bestea. Hitzaldi eta mintegiez gain ekintza kulturalak ere egingo dituzte. Asteazkenean esaterako zine emanaldia egingo dute Oñatiko Kulturetxean. Diario de Motocicleta izango da emango duten filma.