Funtzionala
7.000 metro koadroko azalera erabilgarria izango du ETEOko eraikin berriak. Besteak beste, auditorioa, 27 gela, laborategia eta informatikarako gela, ikerkuntzara zuzendutako hiru gela, liburutegia, bulegoak, batzarretarako sei gela eta kafetegi-jatetxea izango ditu. Bestalde, 200 auto aparkatzeko tokia izango du campus berriak.
Arduradunek eraikin zabala, argitsua, modernoa eta funtzionala egin gura dute.
Eraikin berrian, Enpresa Zientzietako fakultateak eskaintzen duen Gradu eta Graduondoko heziketaz gain, MIK (Mondragon Ikerketa Kudeaketa) ikerketa zentroa eta enpresei zuzendutako Etengabeko Formakuntza jarduerak hartuko ditu. Mondragon Unibertsitatearen helburua da, kooperatiben eta ekonomia sozialeko enpresen ikerkuntzan eta formazioan nazioarteko erreferenteetako bat izatea. Arduradunen asmoa da 2010. urteko irailerako lanak bukatuta egotea, 2010-11 ikasturtean urrezko ezteiak beteko dituzte-eta. Madrilgo kongresuko EAJ taldeak estatuko diru-kutxatik bost milioi euroko partida onartu zuen, 2008ko aurrekontuei babesa ematearen truke.