Honda Gold-Wing motor topaketa egingo dute bihar, zapatua, Herriko Plazan. Katalunia eta Madrildik etorritako 12 bat motor egongo dira plazan ikusgai. "Horrelako motorrak bi lagunendako dauden motorrik handienak dira eta garestiak dira. Tuneatuta egoten dira. Oso ikusgarriak dira", azaldu du Santi Mendiolak, antolatzaileetako batek.
Torreauzoko krosa antolatzen duen taldeak gonbidatuta datoz 24 bat motorzale. "Horietako batzuk zazpi bat urtean etorri dira Torreauzoko lasterketara eta euren ideia izan zen lagunak gonbidatzea Oñati ezagutzeko, asko gustatzen zaie eta. Guri ideia oso ona iruditu zitzaigun eta horrela hasi ginen topaketa antolatzen", dio Mendiolak. Zapatuan 12:15ak aldera izango da motor erakusketa plazan. Gero, unibertsitatea eta parrokia bisitatuko dituzte eta arratsaldean, Arantzazu. Denbora izanez gero, Arrikrutz ere ikusiko dute.
Torreauzoko krosa domekan
Bestalde, domekan egingo dute aurtengo Torreauzoko herri krosa; hamargarren edizioa da. Nagusien lasterketak (11:00etan) 7,6 kilometro ditu eta San Pedrotik atera eta Olaterainoko joan-etorria da ibilbidea. Gaztetxoek (10:30ean) bi kilometroko ibilbidea dute. Joan den urtean 140 nagusik eta 100 gaztetxok hartu zuten parte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak