Hiru hilero bidaliko dituzte ur kontsumoaren fakturak

Mireia Bikuña 2009ko urt. 30a, 12:46
Ur zerbitzuaren kudeaketa osoa Gipuzkoako Ur Kontsortzioaren esku utzi du udalak hurrengo hamar urtetarako; baina bi aldeak ados egonez gero, urtez urte luzatuko dute akordioa. Horren harira, hainbat aldaketa egingo dituzte fakturazioan eta kobratu beharreko tarifatan. Alde batetik, fakturak hiru hilero egingo dituzte.

Beste alde batetik, prezio berriak kobratuko dituzte. Kontsortzioaren tarifak udalarenak baino garestiagoak dira (0,04 euro garestituko da metro kubiko bakoitzeko). Dena den, faktura gehienak merkeagoak izango dira, eta arrazoia da: aurrerantzean kontsumitutako ura bakarrik kobratuko dute. Horregatik guztiagatik, herrian dauden 4.823  ordainagirietatik 3.476 merkeago jasoko dute ur kontsumoaren faktura. Orain arte, kontsumitu ala ez, 20 metro kubikori zegokion tarifa minimoa kobratzen zuten.

Hobariak kaltetuendako

Bestalde, herriko 1.356 abonaturi garestitu egingo zaie ur kontsumoaren faktura. Halako kasuetarako dirulaguntza sistema berezia aplikatuko du Udalak. Laguntza  sei urterako izango da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak