Parte-hartzaileek izenematea bi modutara egin dezakete: alde batetik, Pago Uso elkartean eman dezakete izena, ekainaren 11n, 12an eta 13an, 20:00etatik 21:00etara; edo beste alde batetik, Nicolas Ugarte ileapaindegira jo dezakete, egunero.
Kuota erdibana
Txapelketako kuota erdibana ordainduko dute arrantzaleak eta Pago Uso elkarteak. Infantil mailakoek lau euro ordaindu beharko dute, eta beste lau euro elkarteak. Ostera, gazte eta helduen mailetakoek, 15 euro ordainduko dute, eta Pago Usok, 10 euro.
Arautegia
Indarrean dagoen Euskadiko Federazioko Arrantza Arautegia erabiliko da puntuaketa egiteko. Hala, 250 puntu emango dituzte 22 zentimetro baino gehiagoko amuarrain bakoitzarengatik, eta puntu bat amuarrainak pisatzen duen gramo bakoitzeko. Berdinketaren kasuan, kontrolera iristen den lehenak irabaziko du. Kontrol gunea, San Pedroko plazatxoan, Etxe Aundi jatetxearen aurrealdean egongo da.
Aurreko txapelketen antzera, garaikurrak eta hainbat sari banatuko dituzte parte-hartzaileen artean.