Gipuzkoako Foru Aldundiaren eta Oñatiko udalaren arteko hitzarmen batetik sortu da herrian politika publikoen gaineko galdeketa egiteko ideia. Herri partaidetza bultzatzea da helburuetako bat, eta bigarrena, herritarrei eragiten dieten politika publikoak ardatz, horien gogobetetasun maila neurtu eta horietatik ondorioak ateratzea.
Ez da, baina, herrian egiten ari diren galdeketa bakarra. Aurrez, Siadeko enpresaren ardurapean, bidegorrien gaineko inkesta ere egiten bait diardute herrian.
Bi modutan egiten ari dira inkesta hori; batetik, telefono bidez, herriko hainbat etxetan egingo dituzte galdeketak, eta hor, 47 galderari lotuta, udalak eskaintzen dituen zerbitzu publikoen gaineko iritzia jasoko dute. Bestetik, herriko etxe guztietara 12 galderaz osatutako inkesta bidali da. Telefonoz egingo denaren osagarri izango da hura, eta hor, era orokorrago batetan, udalak eskaintzen dituen zerbitzu guztien gaineko galdeketa orokor bat egiten da.
Gizakerrek telefonoz egingo dituen galdeketak, dira, baina, inkestaren ondorioen oinarri izango direnak, eta horiek, behin fidagarritasuna lortu arte egingo dituzte, kopuru zehatzik aurrez zehaztu gabe.
Aipatu moduan, arlo guztiak galdetuko dituzte inkesta, eta horren barruan, bidegorrien gaineko galderak egiteko ere aprobetxatuko dute.
Ekaina bukaerarako amaituta eta ondorio nagusiak aterata izango ditu Gizaker enpresak, eta ondoren, Foru Aldundiak, inkesta egiten ari diren gipuzkoako 10 herriak batuko ditu, bakoitzari, ateratako ondorioak, eta ondorio horien araberako aholkuak emateko.