Urtero bezala, aurten ere, Errekalde Herri Eskolako Guraso Taldeak Gabon aurreko ikuskizuna antolatu dute. Aurten, Korri eta Xalto pailazoen Show berria prestatzen ikuskizuna izango da herriko ume eta gaztetxoendako. Sarrera doakoa izango da. Abenduaren 15ean, zapatuan, 17:00etan eskainiko da pailazoen ikuskizuna Institutuko areto nagusian.
Emanaldiaren ostean, gaztaina erreak eta merienda banatuko zaie bertaratzen diren gaztetxo eta umeei. Hala, Guraso Taldeak, pailazoen emanaldira joateko gonbidapena egiten die herriko ume guztiei.
Robin Hood, mitoa
Robin Hood, Mitoa antzezlana izango da ikusgai zapatuan, abenduaren 15ean. Gorakada taldearen ikuskizun 17:30ean Santa Ana aretoan izango da ikusgai. Elkar Hezik abenduko kultura egitarauaren barruan antolatu du antzezlan hau. Aktoreez eta txotxongiloez osatutako ikuskizuna da Robin Hood, Mitoa. Bertan, Robin Hood pertsonaiaren abenturak eta nondik norakoak kontatuko dira. Baita bere abenturen lagun zituenen kontuak