Zubillaga eta Olabarrietako lau geltokietan –auzo bakoitzean bi geltoki–, informazio zutoinak jarri gura ditu Udalak. Bestalde, Unibertsitate Etorbideko autobus geltoki nagusian dagoen markesina berritu gura dute. Baina, Diputazioak garatutako markesina jarri ordez, egun dagoen zurezko markesinan hobekuntza lanak egitea proposatuko dio Aldundiari; besteak beste, geltoki horretan jartzeko diseinatu zuten-eta. Lanok egiteko ia 21.000 euroko aurrekontua egin du Udalak, eta orain laguntza eskatuko dio Diputazioari.
Bidaiarien linea erregularrak
Gipuzkoako Foru Aldundiaren eskumenekoak diren bidaiarien errepideko linea erregularretako autobus geltokiak berritzeko hainbat laguntza emango ditu; hain zuzen ere, Diputazioak garatuako markesina bakoitzeko 18.000 euro; beste eredu bateko markesina bakoitzeko 10.000 euro; seinalizazio zutoin bakoizeko 5.000 euro; eta bazterleku bakoitzeko 9.000 euro.