Bestalde, epaimahaiak hainbat irizpide hartuko ditu kontuan aukeraketa egiteko: alde batetik, euskaraz jakitea, garbitasun zebitzuetan eta mantenuan egiaztaturiko esperientzia, eta eskatzailearen formazioa. Besteak beste, Lanbide Heziketako erdi mailako modulua, lanerako prestakuntza ikastaroak eta lanbide hastapeneko tailer orduak baloratuko dituzte.
Egin beharreko lanak
Herri Eskolako atezainaren etxea errentan hartzen duenak ez du hileroko errenta dirutan ordainduko. Ostera, ikastetxearen eraikinean maizterrak egin behar dituen lanen bidez ordainduko ditu. Egin beharreko lanak 400 eurotan finkatu dute udal arduradunek. Horregatik guztiagatik, egin beharko dituen lanetan formazioa eta esperientzia izatea baloratuko dute epaimahaiko kideek. Deialdian argitaratutako irizpide guztiak kontuan hartuta egingo dute zerrenda eta eta bost urteko kontratua egingo diote puntu gehien lortzen dituen hautagaiari. Eskatzaileen artean berdinketarik balego, egoera ekonomiko larrienean nor dagoen aztertuko lukete. Gizarte Ongizate departamentuak eman luke egoeraran gaineko irizpena.