Helisureste enpresak ohar bidez jakinarazi duenez, Santandertik 10:45ean atera ziren Jose Javier Garcia Martinez eta Manuel Mateo Mederos pilotuak, eta 11:42ean izan zuten istripua. Alakantera, enpresaren egoitza nagusira zeramaten Kantabriako Gobernuak babes zibileko lanetarako alokatu zuen Bell 212 helikopteroa. Helikopteroa ongi zegoela gaineratu zuen enpresak.
Jose Javier Garcia Martinez (51 urte) eta Manuel Mateo Mederos (37 urte) dira atzo, ekainak 13, helikoptero istripuan hildakoak. Santandertik Alakantera zihoala, izan zuen ezbeharra helikopteroak Araotz auzoko inguruetan. Laino handia zegoen inguru horietan istripua gertatu zenean. Hildako bi lagunak helikopteroak alokatzen dituen Helisureste enpresako langileak ziren, eta Kantabriako Gobernuarendako lana amaitu ostean, enpresak Alakanten zuen egoitza nagusira zihoazen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak