Elkartruke proiektuaren oinarria, Europako herrialde txikietako hizkuntzen irakaskuntza-ikaskuntza da. Elkartrukea Holandarekin egitearen arrazoia da proiektuaren helburuekin lotuta dagoen lurraldea dela. Hau da, bai Holandan eta baita Euskal Herrian ere, hizkuntza gutxituak daudela eta indarrean dagoen beste hizkuntza bat dutela (Gaztelera eta Ingelesa). Gainera, hemengo ikasleei Ingelesa ikastea kostatzen zaien moduan, Holandako ikasleei Gaztelerarekin berdina gertatzen zaie. Proiektu hau, hain zuzen ere, horixe aztertzen saiatuko da. Aipatu behar da ere, proiektuak bi herrialdeen arteko desberdintasun eta berdintasun kultural nahiz soziologikoak aztertuko dituztela. Hala, ekintza ugari egingo dituzte gaztetxo guztiek.
Elkartruke programa
Holandako Mill-Hill College ikastetxeko DBHko 4. mailako ikasleek, euskarazko eskolak jasoko dituzte egunero bizitzen ari diren familia eta inguruaren bitartez. Gaztelerazko eskolak ere hartuko dituzte, baita soinketa, musika edota historiakoak ere. 15-16 urte bitarteko gazteak Arantzazu eta Aizkorriko parke naturala bisitatuko dute. Donostiara ere joango dira egun pasa, besteak beste.
Proiektua eta ikerketa aurrera ateratzeko egunero bi orduz elkartuko dira Elkar Heziko ikasleak eta Holandako ikasleak. Gainera, ikasle eta familia guztiek afaria egingo dute Oñatiko Larraingain elkartean hemengo gastronomia dastatu eta ohiturak ezagutzeko.
Martxoaren 9tik 14ra bitartean Holandako Goirle herrira joango dira Elkar Heziko gaztetxoak esperientziak elkartrukatzeko. Gainera, ekainetik aurrera kontaktuan egongo dira http://nles.freehostia.com webgunearen bitartez.