Aurrerantzean Giokela izango du babeslea Antxintxiketan kirol taldeak. Dagoeneko bost urte daramatza kirol taldeak atletismo munduan lanean. Orain, kide berriak egiteaz gain ekintza gehiago egiteko asmoa daukate. Besteak beste, gaztetxoendako herri lasterketa bat egin nahi dute. Hurrengo urteetarako ordea, beste maila eta kategorietako lasterketa egiteko asmoa ere badute. Gainera, federatutako Gipuzkoako kross txapelketa egiteko asmoa daukate. Hala, antolatzaileek ekintza hau aurrera eramateko Udalaren edota baserritarren laguntza, besteak beste, beharko dutela azpimarratu zuten prentsaurrekoan.
Gorpuzti bezperan antolatzen duten nazioarteko lasterketarekin jarraituko dutela adierazi zuten taldeko kideek.
Harrobia indartu
Ume honetan bost kidek osatzen dute Antxintxiketan taldea: Migel Anjel Igartuak, Ritxar Fernandezek, Asier Osinagak, Jexux Odriozolak eta Gaizka Romerok. Hala, taldeak harrobia indartu nahi du eta kide berriak egiteko gogo eta asmoa azaldu zuten. Beraz, taldean esku hartu nahi duen edonork ateak zabalik izango dituela iragarri zuten.
Jantzi berriak
Federatutako lasterketetan parte hartuko du taldeak. Hala, jantzi berriak dituzte eta bertan Antxintxiketan kirol elkartea-Giokela izena eramango dute. Entrenatzeko bigarren jantzi bat ere izango dute taldekideek.