Gaur hasi eta martxoaren 18ra arte egongo da erakusketa Oñatiko kultura etxean. Intxorta 1937 Kultura Elkarteak antolatutako Gerra Zibilaren gaineko erakusketak oñatiarrek jasandako errepresioa erakustea du helburu. Izen guztiak, aurpegi guztiak izenarekin gerra garaian Oñatin jasotako argazki, txosten eta salaketak erakutsiko dituzte.
Hamar panel
Bi metro luzerako hamar panel jarriko dituzte kultura etxean. Gainera, garai hartako bandera, kartel eta aldizkariak egongo dira.
Gipuzkoako biztanleria kontuan hartuta, Oñati izan zen errepresio portzentaje handiena jaso zuen herria.