Gaztetxearen aldeko mozioa ez zuen onartu udalbatzarrak

EAJko zinegotzien kontrako botoak jaso zituen; aldiz, Oñati Ezkerretik koalizioko hiru zinegotziek alde bozkatu zuten. Gazte Batzarreko kide asko bildu zen atzoko osoko bilkuran.

Jendearen arteko erlazioak bultzatzeko, Gazte Batzarrak kudeatuko lukeen "lokal askea" eskatzen zuen mozioa bertan behera geratu zen atzo. Horren harira, Lurdes Idoiaga alkateak esan zuen, lan taldeko proiektuak garatzeko laguntza emateko gertu daudela, baina "arauak eta erantzukizunak alde batera utzi gabe".

Oñati Ezkerretik alde

Oñati Ezkerretik koalizioko zinegotziek gaztetxearen alde lanean jarraituko dutela esan zuten, eta osoko bilkura aretoan bildu ziren gazteei, Udal arduradunekin biltzeko "beharra" aipatu zieten. EAE-ANVko kideek gaztetxea "beharrezkoa" dela azpimarratu zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.