Gaztelekurako animatzailea kontratatuko du Udalak

Kontratatzen duten pertsonak Gazte Informazio Puntuaren arduradun lanak, topalekuko guneen dinamizatzaile-lanak; hain zuzen ere, topaleku nagusia, kubo topalekua eta sotoko topalekuak; eta eraikuntzaren mantenu lanak egin beharko ditu. Baldintzak Gipuzkoako Aldizkarian kaleratu ziren hilaren 2an, eta orain proposamenak aurkezteko epea zabalik dago hilaren 17ra arte.

Baldintzak

Epaimahaiak kontuan hartuko dituenak dira: eskaintza ekonomikoa (gehinez orduaren prezioa 18,74 euro izan beharko da); suspertze proposamena; eta suspertze proposamenaren defentsa. Era berean, aintzat hartuko dituzte zerbitzua eskainiko duten begiraleen lan esperientzia, titulazioa –udalekuetako zuzendari titulua edo Giza Kultura animatzaile titulua –; eta euskararen ezagutza –EGAren pareko maila egiaztatu beharko dute–.
Baldintza guztiak baloratu eta puntu banaketa egin ondoren, eskaintza onena aukeratuko dute udal arduradunek, eta lau urterako kontratua egingo diote. Lau urteren ondoren, bi aldeak ados egonez gero beste bi urtez luzatu dezakete kontratua.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.