Gaztelekuko sotoa zabalik dago aste bukaera eta jai egunetan

Herriko jaien ostean berriro ere zabaldu dute Gaztelekuko sotoa herriko umeendako. Aste bukaeratan eta jai egunetan egongo da zabalik, 10:30etik 13:00etara eta 17:00etatik 20:00etara. Sotoa erabili ahal dute 7 urte arteko umeek. Gaztelekuko arduradunek adierazi dute sotoan ez dagoela begirale zerbitzurik; horregatik, haurrek gurasoekin edo zaindariekin egon behar dute sotoan dauden une oro.

Eguraldiak baldintzatzen du

Eguraldi txarra egiten duenean egoteko leku itxi bat izatea da sotoaren helburua. Arduradunek adierazi dute asko erabiltzen dela sotoa, batez ere eguraldia txarra dagoenean.  

Jostailuak

Haurrek jolas egiteko jostailuak dituzte sotoan, eta nagusiendako, ostera, kafe makina dago. Mahaiak eta aulkiak ere badaude.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.