Gaur jasoko dute diseinu lehiaketako saria Txantxiku Ikastolako ikasleek

Ainhoa Anduagak, Arantzazu Ugartek eta Miren Aranburuk 12:00etan jasoko dute, Donostian Tecnun Unibertsitateak antolatutako laugarren diseinu lehiaketako bigarren saria; hain zuzen ere, Decathlonen gastatzeko 1.000 euroko erosketa-txekea ikasleendako, eta oroigarri bat ikastetxearendako. Diseinu lehiaketako saria erraketendako gehigarri batekin irabazi dute.

Lehiaketaren helburua da kirol-gaiak hobetzeko proiektuak sortzea. Diseinu lehiaketako lehen saria Sevillako Tabladilla eskolak jasoko du.

600 ikasle baino gehiago

Tecnun Unibertsitateak antolatutako, Batxilergoko lehenengo eta bigarren mailetako 600 ikaslek parte hartu dute eta, guztira, 200 proiektu aurkeztu dituzte. Euskal Herriko ikastetxeez gain, Espainiako hainbat eskola lehiatu dira, besteak beste, Zaragoza, Almeria, Errioxa eta Sevillakoak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.