Urtero moduan, mini-tenisa (107 ume), tenisa (116) eta haurrendako patinajea (140) izan dira ume gehien erakarri dituztenak. Aurtengo berrikuntzetako batek ere eskaera asko jaso ditu; hain zuzen ere, batuka eta body jam ikastaroetan 130 neska-mutikok parte hartuko dute. Bestalde, lehen aldiz emango duten arku tiroketa ikastaroan hamar umek jardungo dute.
Tokia bigarren txandarako
Lehen txanda bukatu ondoren, bigarrena egingo dute uztailaren 14tik 28ra. Horren harira, oraindik tokia dago kirol eskaintza eta talde batzuetan.
Era berean, tokia dago abuztuan egingo dituzten bi txandetan; hain justu ere, abuztuaren 1etik 14ra, eta 19tik 29ra. Hain zuzen ere, mini-tenis, tenis, badminton, waterpolo, igeriketa eta aquagim dira aukeran dauden kirolak. Izena kiroldegian eman behar da.