Aloña Mendi kirol elkarteak antolatutako III. Garagardo Feriako karpak ateak zabalduko ditu eguenean 19:00etan. 11 gargardo eta txerrikumea eta saltxitxa mota ezberdinak jarriko dituzte. Gainera, oilasko izterrak egongo dira patata erreekin. Aloñako 14 sailetako kideak egongo dira zerbitzari lanak egiten. BEstalde, plazako aparkalekuan ezingo da autorik utzi bihartik aurrera.
Garagardoa edateko pitxarrak bueltatzeko sisteman aldaketak egin dituzte. Pitxarraren truke aste bukaera osoan erabil daitekeen txartel bat emango dute.
Berrikuntza askorik ez du izango festak, baina iazkoa hobetzen ahaleginduko direla esan digu Aloñako presidente Anton Intzak. Garagardo Festak bi helburu ditu: alde batetik, 14 sailen artean banatzeko, ahalik eta diru gehien batzea, eta, beste alde batetik, sailen arteko hartu-emanak sendotzea.
Karpa barruko giroa alaitzeko musika saioak egingo dituzte Kaixo taldeak eta Jose Luis Bikuñak, barikuan eta zapatuan. Mus txapelketa ere egingo dute.
Garagardo festako karpa zabalduko dute eguenean eta barikuan 19:00etatik aurrera, eta zapatuan eta domekan 13:00etatik 22:00etara arte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
