Ganbara Gazte taldearekin batera egingo dute emanaldia, kantu tailerreko neska-mutikoek, Ganbara Txikik eta Txikitxoak. Euskal folkloreko abestiak, jazza, gospela eta munduko folklore ezberdinetako kantak eskainiko dituzte. Bukaeran talde guztiek bi abesti afrikar kantatuko dituzte. Kontzertuko zuzendariak izango dira Alaitz Urkia eta Aitor Biain, eta piano-joleak Araceli Guridi eta Eli Mendiaraz.
15 eta 18 urte arteko 25 lagunek osatzen dute abesbatza berria. Hainbat proiektu dituzte eskuartean; besteak beste, urtarrilean, ETBko 'Oh happy day' abesbatzen lehiaketan parte hartuko dute. Taldearen zuzendaria Aitor Biain da, eta kontzertua egingo dute domekan Ganbarako gainerako abesbatzekin, Santa Ana antzokian 19:00etan. Sarrerak aurrez eros ditzakete kultura etxean: helduen bost eurotan eta gazteek hiru eurotan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak