Orain bi urte egin zuten Seme-alabekin euskaraz jolasean izeneko orain azkeneko ikastaroa. Hala, azaroan egingo dutena hirugarrena izango da. Ikastetxeetako ikasleen bitartez zabaldu du Euskara Zerbitzuak ikastaroaren inguruko informazio orria. Bertan zehazten dira ikastaroaren ezaugarriak eta izenematea egiteko pausoak. Izena emateko epea urriaren 26an bukatuko da.
Helburuak
Ikastaro horren helburu nagusia guraso eta seme-alaben artean euskaraz jolas egiteko bitartekoak eskaintzea da. Euskara Zerbitzuak antolatutako ikastaroa gaztelekuan eskainiko da, azaroko lau zapatuetan, 3an, 10ean, 17an eta 24an, goizeko hamarretatik hamabietara. Irakaslea Ana Carpintero pedagogoa izango da.
Ezaugarriak
Ikastaroaren lehenengo hiru saioetara gurasoak bakarrik joango dira, eta azkeneko saioan seme-alabek eta gurasoek elkarrekin jolastuko dute. Seme-alabekin euskaraz jolasean ikastaroa 2 eta 8 urte arteko seme-alabak dituzten aita-amei zuzenduta dago.