Euskal selekzioen aldeko jaiak, herritarren babes osoa

Euskal Selekzioaren Aldeko Iritzi Taldeak –ESAIT– atzo Oñatin egin zuen jaia arrakasta borobila izan zen. Jaiaren 12. edizioa izan zen, euskal selekzio ofizialaren aldeko festa. Itziar Arratibel taldeko presidenteak balorazio oso positiboa egin zuen atletismo lasterketako sari banaketaren ostean: "Oso pozik gaude eguna nola joan den ikusita. Herritarren parte-hartzea itzela izan da egun osoan zehar, eta eguraldia bikaina izan da. Lasterketa hasi denerako, gainera, freskatu egin du, korrikalarien mesederako".