73 eskaera
Guztira 73 eskaera aurkeztu ziren Lizaur kaleko bulegoan. haietatik bi zozketatik kanpo geratu ziren baldintzak betetzen ez zituztelako, eta beste batek, eskaerari uko egin zion. Hortaz, azken orduko aldaketarik ez badago, 70 lagunen izenak sartuko dira zozketan. Halaber, eskaera guztiak, kupo orokorrekoak dira.
Uarkaldeko 17 etxebizitza tasatuen esleipenerako baldintzetan, elbarriendako eta familia ugariendako bina etxe gorde ziren;baina, halako eskaera konkreturik egin ez denez, 17 etxebizitzak, kupo orokorreko zozketan esleituko dira.
Neurriak
Uarkaldeko 17 etxebizitza tasatuetako gehienak, 64 eta 108 metro koadro artekoak dira, baina gehienak, 87 eta 91 metro koadrokoak. Etxearen neurriaren arabera, prezioa ezberdinak zehaztu dira.
Hala, merkeenak 149.000 euro pasatsukoak dira eta garestiena, 274.000 eurokoak.