Oñatin egiten diharduten eta zozketatuko dituzten babes ofizialeko lehen etxeak San Martinekoak izango dira. Guztira 45 etxe zozketatuko dituzte: bina etxea ezgaituendako, familia-ugariendako eta Etxebiden lau urtez baino gehiagoz izena emanda dutenendako gordeko dituzte. Gainerako 39 etxeak kupo orokorrean zozketatuko dituzte.
Gainera, lehen hiru kupo berezietan etxertik lortzen ez dutenek kupo orokorreko zozketan parte hartzeko aukera izango dute. Atzerapenik ez badago maiatzean egingo dute zozketa, baina eguna ez dute oraindik zehaztu.
Zerrenda bakarra
Etxebideko zerrenda bera erabiliko dute uztail aurretik egiten dituzten zozketetarako. Besteak beste, Kasablanka iparrean eta Ugarkalden egiten diharduten etxeen zozketetan.