Kobazulo elkarteko 25 bat kide batuko dira zapatuan, azaroaren 10ean, batzarra egiteko. Oñatin egingo du batzarra Espainiako Koba Turistikoen elkarteak (ACTE). Izan ere, Oñatiko Udala elkarte horretako bazkide da eta aurten Oñatin elkartzea erabaki dute kideek.
Egitarau zabala
Oñati ezagutzeko aukera izango dute kideek. Izan ere, 10:00etan elkarteko batzorde teknikoa bilduko den bitartean, gainontzekoak parrokia eta unibertsitatera bisita egingo dute. 11:00etan, berriz, guztiak bildu eta batzarra egingo dute kultura etxean. Bazkal ostean, Arrikrutzeko koba ezagutuko dute eta ondoren Arantzazura joango dira. Guztira, 25 kide etorriko dira. Besteak beste, Extremadura, Nerja, Granada, Valduxo, Huelva, Kantabria edota Espainiako Espeleologia Federazioko kideak.
