Proiektuaren helburuak dira herrialde ezberdinetako ikasleen arteko esperientzia trukatzea, kultura ezberdinetako kideen arteko hartu-emanak sendotzea eta ingelesaren erabilera sustatzea.
Eslovakiako ikasleek hainbt jarduera egin dituzte oñatiarrekin; besteak beste, euskara-ingelesa-eslovakiera hiztegiaz baliatuta euskara ezagutzeko saioak, herri kirol jarduerak eta euskal mitologiaren gaineko antzezlana. Gainera, Euskal Herriko hainbat leku bisitatu dituzte: Gasteizko katedrala eta Legebiltzarra, Bilboko Arte Ederretako museoa, Gernikako Bakearen museoa eta Donostiako Aquariuma. Oñatiko ingurunean ezagutzeko aukera izan dute: Arantzazuko santutegia bisitatu ondoren, Urbiara joan dira egun pasa.