Maiatzaren 16an meza nagusia egingo dute parrokian, 12:00etan. Jarraian, kiroldegiko pilotalekuan omenaldia egingo diete herriko bi erretiraturi. Ondoren, Udal Musika Bandak eta Oñatzeko dantzariek emanaldi bana egingo dute. Bazkaldu ondoren, bertso saioa eta dantzaldia egingo dituzte.
Hitzaldia
Bazkariaz gain aste osorako ekintzak antolatu dituzte. Astelehenean, hilaren 10ean, Aloña abesbatzak, Loli Ordoki bakarlariak eta Xabier Ugarte gitarra-jotzaileak kontzertua egingo dute Santa Ana aretoan, 18:30ean. Martitzenean, berriz, hitzaldia egingo dute, 17:00etan. Etxean gaudenean suaren kontra nola babes gaitezkeen azalduko dute.
Irteera San Martinera
Eguaztenean irteera egingo dute San Martinera, eta han egingo dute hamarretakoa. 10:30ean irtengo dira erretiratuen elkartetik. Antolatzaileek oinetako erosoekin joatea aholkatzen dute. Irteeran parte hartu gura dutenek txartela hartu beharko dute erretiratuen elkartean egubakoitza baino lehen. Egun berean zinema emanaldia egingo dute, 17:00etan, kultura etxean.
Eguenean eta egubakoitzean, bingo joko berezia eta merienda egingo dituzte, hurrenez hurren.