Zapatuan, Oñatiko Errekalde Herri Eskolako ikasleek udaberriko jaia egin zuten, azken hiru urteotako ohiturari jarraituta. Helburua? Guraso, ikasle eta irakasleen artean harremanak sendotzea eta ondo pasatzea.
Hala, 140 bat umek eta 70 bat gurasok esku hartu zuten.Lehenik eta behin, beroketa egiteko Errekalde auzoan barrena korrika egiten hasi ziren; horren ostean, txingatan, sokatiran, zaku lasterketan, futbitoan eta bestelako jokoetan aritu ziren.
Hainbatetan gurasoak eta ikasleak nahastuta ibili ziren; beste batzuetan, berriz, bereiztu behar izan zituzten. Lehia baino gehiago, ondo pasatzea zen helburua eta horixe ederto lortu zuten.
Bukaeran, umeei txokolatinak banatu zizkieten; eta helduek saiheski jana egin zuten. Jaiak 21:30ak arte iraun zuen, eta penaz gelditu ziren parte hartzaileak, bukatu egin zelako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
