Lander Belokik, MUko Enpresa Zientzien fakultateko dekanoak Arrasate Irratian azpimarratu du unibertsitatearen beharretara egokitutako eraikina dela gaur inauguratu dutena: "Garapen prozesu bat bezala izan da. ETEO sortu zela 50 urte dira eta orain sartzen gara beste fase batean: kalitatezko unibertsitatea, nazioartekoa, gorentasuna bilatzen duena… eta elementu horiek guztiak ondo garatzeko espazio eta azpiegiturek ere lagundu behar dute. Eraikin berriak hori ekarriko du".
ETEO eta Enpresagintza
ETEOren eta Enpresagintza fakultatearen arteko desberdintasuna zein den ere azaldu du dekanoak: "ETEOren kokapena gehiago da bailara mailan eta unibertsitateko lehen zikloetatik gertuago, eta Enpresagintzak bilatzen duena da masterrak, ikerketa, doktoretza eta Europara egokitutako tituluen garapena aurrera eramatea".
Eta eraikinari berarik buruz, berriz, kontatu du "oso gustura" daudela bertan: "Bi hilabete ia badaramatzagu kokapen honetan eta bertako langileak, ikasleak eta ikerlariak gustura dira".
Segidan duzue Arrasate Irratian egindako elkarrizketa osoa entzungai.