Enpresa txikiendako prestakuntza saioak antolatu ditu Udalak

Mireia Bikuña 2008ko aza. 25a, 17:39
Herriko enpresa txikien beharrak aztertu ondoren, prestakuntza saioak antolatzea erabaki du enplegu batzordeak. Hain zuzen ere, Azter Consulting enpresak bost saio egingo ditu, abenduaren 4an eta 18an, urtarrilaren 8an eta 22an eta otsailaren 5ean. Egunero bi orduko saioak egingo dituzte Zubillagako Olaburu zentroan.

50 gonbidapen bidali dituzte

Enplegu batzordean 50 langile baino gutxiago dituzten lantegiak gonbidatu dituzte prestakuntza saioetara. Guztira, 50 gutun bidali dituzte enplegu batzordetik. Oraingoz, bost enpresak eman dute izena saioetan parte hartzeko. Izenemate epea egubakoitzean bukatzen da.
Oñatiko enpresa txikietan sormena eta barne ekintzailetasuna bultzatu gura dituzte. "Enpresa bakoitzak dituen barne produktuak hobeto eta berriak sortu ahal izateko ariketa praktikoak egingo dituzte. Besteak beste, enpresen produktu eta zerbitzuetan hobekuntza emateko laguntza eman gura diegu", esan digu enplegu batzordeko teknikari Jesus Mari Ugartek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak