Ekainaren 16ko inbestidura ekitaldiaren balorazioa egitean, hainbat aspektu aipatu dituzte Oñatiko Eusko Abertzale Ekintzakoek. Batetik, eskerrak eman nahi izan dizkiete plenora hurbildu ziren herritarrei, baina bestetik, Ertzaintza gogor kritikatu dute: pleno aurretik baimendutako elkarretaratzea oztopatzeko izan zuen jarrera salatu dute.
Plenoan bertan, alderdi jeltzaleak zinegotzi bati uko egin izana urrats positiboa dela uste dute, baina beste alderdien erabakia ez dute begi onez ikusten.
Hitzarmena
Bestalde, datorren plenora begira, alderdien arteko hitzarmen proposamena egiten dute EAEtik:
- Hauteskundeetako emaitzak errespetatzeko konpromisoa hartzea,
- herriko elkarbizitza eta errespetua oinarri izatea eta
- Euskal Herriak bizi duen gatazka gainditzeko bide zibil eta politikoak erabiltzea
Alderdiei deia
Aurrera begira, Oñatiko EAE-ANVk deia egin die alderdi ezberdinei: EAJri 182.2 legea aplikatzea eskatu dio, hartu ez duen zinegotzi kargua Eusko Abertzale ekintzarentzat izan dadin, eta EA, PP eta Ezker Batua-Aralar-Zutik koalizioari, herriaren hitza eta borondatea errespetatzeko eskatu diete.