Vicente de Prado da bere izena, gasteiztarra da eta ofizioz futboleko epaile, baina bestelako gai batek ekarri du Oñatira, karitatezko lan batek hain zuzen ere.
Vicente De Prado Juanito Oiartzabalen lagun mina da. Oiartzabal Telecincoko Supervivientes programan parte hartzen ari da eta de Prado da bere ordezkaria eta mendizalea telesail honetan defendatzeko arduraduna. Saio horietan irabazitako dirua Oñatiko Bidaurretako Monasteriora zuzendu du De Pradok.
Gustura hartu dute oparia
Orain dela hilabete inguru Oñatira etorri eta eskean zebilen gizon bati Bidaurretako mojek nola lagundu zieten ikusita sortu zitzaien ideia. 1.000 euro inguruko oparia jaso dute mojek.
Hasiera batean txantxetako kontua zela uste zuten arren, klausurako mojek pozik hartu dute oparia.
Oñatiren irudia zabaldu
Oñatiko turismo bulegoa izan da bitartekari lanak egin dituena eta Vicente de Pradori eskerrak eman dizkiote Oñatiri egindako propagandagatik. Izan ere, programan bertan pare bat bider aipatu ditu Oñati eta Bidaurretako Monasterioa.