Hainbat hilabeteko negoziazioen ostean, Oñatiko Udala eta Foru Aldundia Urrutxuko zabortegiaren txukuntze lanen inguruko akordio batera heldu dira. Akordio horren arabera, aldundiak 1.300.000 euro jarriko ditu berreskuratze lanetarako, eta udalak, beste 600.000. Lanak burutzeko bi erakundeen arteko lankidetza hitzarmena ere sinatu dute.
52.000 metro koadroko azalera du Urrutxuko zabortegiak eta badira zenbait urte itxita dagoela. Oñatiko Udaleko Hirigintza sailekoek esan digute, bertako zabor gehiena lur soberakinak direla, baina badirela toxikoak izan daitezkeen zenbait material ere. Zabortegiaren hustea ezinezkoa denez, iragazkaiztu edo inpermeabilizatu egingo dute. Zabortegiaren azpitik doan errekastoa ere desbideratu egingo dute, zabortegira urik sar ez dadin. Behin lanak esleituta, 8 hilabete izango ditu arduradunak lanok bukatzeko, eta beste urtebete izango da berme epe bezala.
Eraberritze proiektu honekin, lurraren gutxieneko kalitate maila lortu nahi da bertarako planteatuta dauden proiektuak aurrera eraman ahal izateko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak