Aipatu aparkalekuak, kiroldegiko lurrazpiko aparkalekutik irteteko oinezkoendako egokitu den irteera puntuaren aldamenean daude.
Gehienez, bost minutu
Duela egun gutxi jarritako zutabe bertikalek adierazten dute, bereziki, Txantxiku Ikastolara, haurrak utzi edo hartzera doazenendako egokitutako zazpi plaza horietan, gehienez, bost minutuz utzi daitekeela autoa, goizeko zazpiak eta erdietatik, arratsaldeko zazpiak eta erdietara. Hala, egonaldi luzeagoa egiten duten autoek, lurrazpiko aparkalekua erabiltzeko aukera dute. Dagoeneko, udaltzainek jarri dituzten lehenengo isunak.
Ordenantza
Aurreko asteko Osoko Bilkuran onartu zuen Udalak, kiroldegiko eta Kalegoieneko udal aparkalekuen erabilpena arautuko duen ordenantza. Hala, jaiak bukatuta, lehen ordu erdia doakoa izatea adostu dute.